Як запішуць — той і гой

Зянон Ахрамовіч: «Брата Валодзю забралі на фронт, ён быў у штрафным батальёне. Але як скончылася вайна, ён як паляк перайшоў у польскае войска. У жонкі дзядзька быў у польскім войску, у касьцюшкаўскім, і то не пусьцілі ў Польшчу. І ў Маскву езьдзіў. Сам едзь, але дачка нарадзілася ў 1950 г. і яна ўжо грамадзянка Беларусі. Пакідайце дачку тут, бо вы палякі, а дачка — беларуска і застанецца тут. Брат быў у польскім войску таксама, дэмабілізаваўся і вярнуўся, дык у ваенкамаце нават ваеннага білета не замянілі, а перакрэсьлілі і напісалі — беларус. І не пускаюць, бо ў цябе напісана — беларус. А ён кажа: «Калі я перакрэсьлю і напішу — амэрыканец, вы мяне пусьціце ў Амэрыку?».

Вось гэнак і набывалі нацыянальнасьць: як напішуць — той і гой. Быў паляк ці літвін? Будзеш беларусам цяпер. Палякі нарадзілі малую польку? Дулю! Нарадзілі беларуску! І пасьля гэнага будуць зь пенаю ў роце даводзіць, што ад двох палякаў можа беларус нарадзіцца, а ад двох беларусаў паляк ці літвін не нарадзіцца — толькі беларус ці рускі…

Карацей, вэлкам да перапісу, літвінове!
Нарадзіўшыся на Вялікай Літве, мы — літвіны!