Blog der belarussischen Bärin (ex_petra_le) wrote in by,
Blog der belarussischen Bärin
ex_petra_le
by

Паважаныя беларусы!

А падзяліцеся са мной, як у Вас у хаце прынята Каляды святкаваць?

Мая бабуля абавязкова 12 страваў (можна было і больш, але каб на 12 дзялілася) на калядны стол ставіла, а пад абрус салому клала. А яшчэ заўсёды ялінка была да самай столі і цацкі старыя-старыя, з розных гадоў на ялінку вешаліся. А есьці увечары можна было только поснае, а мясное і салодкае толькі пасля поўначы (дзецям, якія да поўначы засыналі, вядома ўжо толькі з раніцы).

Карп абавязкова на стале быў. "Вінцікі" - печыва. А яшчэ рабіла бабуля макавы кісель і "слізікі". Гэтыя слізікі былі проста вельмі твёрдае печыва памерам с фасоліну. КІдалася яно ў той кісель і патроху разбухала, станавілася слізкім. Мо і смачна было, але апроч бабулі яго рэдка хто еў. Але гатавалі заўсёды :)))) Традыцыя! :)

А вось варажыць забаранялася. Бо і на Раство - гэта грэх.

Калядаваць неяк не прынята было ў бабулінай вёсцы. Вельмі рэдка хто з дзяцей хадзіў з песенькамі па хатах. А дарослыя то дакладна не.

А як у Вас?
Вельмі цікава, падзяліцеся!
Subscribe
  • Post a new comment

    Error

    Anonymous comments are disabled in this journal

    default userpic

    Your reply will be screened

    Your IP address will be recorded 

  • 4 comments