“Кахаць па-беларуску–2”: “Твой фэст” ў Loft-café

Раман Жыгараў, гурт «Akute»

Барды, рокеры і паэты два дні ў кавярні Loft паказвалі, як гэта – “кахаць па-беларуску ды жыць па-еўрапейску”. Пад такім слоганам пры падтрымцы кампаніі «Будзьма беларусамі!» прайшоў “Твой фэст”. У другі дзень мікс стыляў быў дзікім. За рокерамі выходзілі барды, за імі – рэперы… Цягам трох гадзінаў на сцэне выступілі Віктар Шалкевіч і Наста Шпакоўская, “Князь Мышкін” і PANaNieba, “Босае сонца” і “Спрат”….А хэдлайнерам вечарыны былі Akute.