Беларусы-першапраходцы: «Беларусь» – а дзе гэта?

За мяжой часта пытаюць: адкуль вы? З ледзь прыкметнай замінкай адказваеш, што з Беларусі. Адказваеш з гонарам, упэўнена, але ведаеш загадзя, што імя радзімы адгукнецца здзіўленым поглядам таго, хто пытаецца «а дзе гэта?”, яго нязграбнай спробай паўтарыць пачутае:

— Бе-ра-рус? Бей-рус? А! Бейрут?!
— Не-не, не Бейрут, а Беларусь.
— ОК, Бе-ра-рус!
(Дыялог з азіятам)

— Беларусь… Вайсрусланд!
— ОК, андэрстэнд.
(Варыянт размовы, напрыклад, з немцам).