Ранішні пазітыў

Мода на мову: зборная тайбаксёраў падпісала форму па-беларуску



Беларускія тайбаксёры выправіліся ў Лісабон, дзе да 28 ліпеня будзе праходзіць чэмпіянат Еўропы. Кампанія “Будзьма беларусамі!” скаардынавала выраб дызайнерскіх цішотак для нашай зборнай. Яны выйшлі пад брэндам моладзевай вопраткі LSTR. Цішоткі выпускаліся паводле прынцыпу імпартазамяшчэння: усё зробленае беларускімі дызайнерамі і пашытае ў Беларусі. З замежнага толькі матэрыял: у нас яго проста не робяць.
На кожнай цішотцы — эмблема ў выглядзе крылатага гусара ВКЛ. Прозвішчы байцоў і трэнераў падпісаныя беларускай лацінкай. Граматнасць праверылі спецыялісты з Інстытута мовы і літаратуры НАН Беларусі.

http://budzma.org/news/cishotki-ad-budzma-belarusami-dlya-nacyyanalnaj-zbornaj-pa-tajskim-bokse.html