Belarus

Галоўнай прыкметай новага тэлевізійнага сэзону на БТ стала тое, што асноўная інфармацыйная праграма “Панарама” ўпершыню за ўвесь час свайго існаваньня выйшла ў будні дзень цалкам на расейскай мове. Прадстаўнікі дзяржаўнага тэлебачаньня кажуць, што мала хто зь вядучых валодае беларускай мовай.

Думкай менскіх мінакоў цікавіўся наш карэспандэнт.

Абласныя навіны на дзяржаўных тэлеканалах збольшага засталіся беларускамоўнымі, але пераход Першага нацыянальнага тэлеканалу на расейскую мову ў інфармацыйным вяшчаньні можа адбіцца й на сытуацыі ў рэгіёнах. У сталіцы ж зьнішчылі беларускамоўную перадачу Алены Борматавай “Навіны-Менск”.

Расея будзе дамагацца наданьня расейскай мове статусу афіцыйнай у большасьці краінаў СНД і ва ўсіх дзяржавах былога СССР, дзе ёсьць месцы кампактнага пражываньня расейскамоўнага насельніцтва.