Францішак Вячорка (franak) wrote in by,
Францішак Вячорка
franak
by

Бабруйск стане чарговым пунктам праграмы паездак адзінага прэтэндэнта ад дэмакратычных сілаў па рэгіёнах Беларусі

У чацвер, 24 лістапада, Аляксандр Мілінкевіч наведае горад Бабруйск. Візіт стане працягам інфармацыйна-агітацыйнай кампаніі адзінага прэтэндэнта дэмакратычных сілаў у рэгіёнах Беларусі.

"Бабруйск, - адзначыў А.Мілінкевіч, - важная кропка на мапе Беларусі. Гэта самы буйны пасля абласных цэнтраў горад краіны, які валодае велізарным чалавечым патэнцыялам. Тут размешчаныя буйныя прамысловыя прадпрыемствы, чыгуначны вузел, вялікі воінскі гарнізон, шмат навучальных установаў, установаў аховы здароўя і культуры. Я і мая каманда на працягу дня плануем правесці сустрэчы з рознымі катэгорыямі бабруйчанаў - нам важна ведаць меркаванне мясцовых жыхароў пра сітуацыю ў краіне, бліжэй убачыць праблемы, якія іх турбуюць".

Адзіны прэтэндэнт ад дэмакратычных сілаў на пасаду прэзідэнта Беларусі гатовы таксама адказаць на пытанні жыхароў Бобруйска, выказаць сваё бачанне шляхоў вырашэння праблемаў, якія іх хвалююць. Як паведамляе прэс-група Штаба адзінага прэтэндэнта, падчас наведвання горада адбудзецца прамая тэлефонная лінія Аляксандра Мілінкевіча з жыхарамі і прэс-канферэнцыя для журналістаў мясцовых і рэспубліканскіх СМІ.
Subscribe
  • Post a new comment

    Error

    Anonymous comments are disabled in this journal

    default userpic

    Your reply will be screened

    Your IP address will be recorded 

  • 1 comment