Гэтым разам ён прысвечаны перспектывам развіцця міжнароднага вяшчання. Конкурс дае кожнаму ўдзельніку шырокае поле для разважанняў. Напрыклад, можна паглядзець на пытанне замежнага вяшчання глабальна, а можна задумацца, які лёс чакае тую ці іншую станцыю. Дарэчы, цікава, што, на вашу думку, будзе ўяўляць сабой Польскае радыё для замежжа і, у прыватнасці, Беларуская рэдакцыя праз дзесяць, дваццаць ці пяцьдзесят гадоў?
Свае меркаванні вы можаце дасылаць да 13 студзеня 2008 года.
Конкурсныя працы будуць зачытвацца ў штотыднёвай рубрыцы «Рэдакцыйная пошта».
У другой палове студзеня 2008 года супрацоўнікі рэдакцыі выберуць пяць найбольш цікавых лістоў. Іх аўтары будуць ўзнагароджаныя каштоўнымі прызамі, у тым ліку радыёпрыёмнікамі з кароткімі хвалямі.
Адрас для допісаў па звычайнай пошце: а/с 45, г. Віцебск, 210015. E-mail: by@polskieradio.pl.
Пішыце! Перамагайце!
