silverrebel (silverrebel) wrote in by,
silverrebel
silverrebel
by

Знайшлі "чалавека з пакетам"


Важны сьведка па справе аб выбуху ў Мінску ў Дзень незалежнасьці, які адшукваўся міліцыяй, раніцай 4 жніўня самастойна зьвярнуўся ў Кастрычніцкае РУУС сталіцы. Пра гэта гаворыцца ў інфармацыі, разьмешчанай на афіцыйным сайце ГУУС Менгарвыканкаму.
Зазначаецца, што праваахоўныя органы актыўна адшукавалі мужчыну, які, на думку сьледзтва, мог мець каштоўную інфармацыю для расьсьледаваньня крымінальнай справы па факце выбуху ў ноч з 3 на 4 ліпеня падчас правядзеньня сьвяточнага канцэрту каля стэлы «Менск — горад-герой». Яго фотаздымак быў разьмешчаны ў СМІ. Акрамя таго, зазначаюць у ГУУС, адпаведная інфармацыя з просьбай паведаміць аб асобе гэтага чалавека была разьмешчаная ў мінулыя выхадныя ў грамадзкіх месцах Мінска і іншых гарадоў краіны.
«У сувязі з пасьпяховым пошукам важнага сьведкі ГУУС Менгарвыканкаму выказвае падзяку ўсім грамадзянам, якія праявілі актыўную грамадзянскую пазыцыю па ўстанаўленьні асобы і месцазнаходжаньня гэтага грамадзяніна», — гаворыцца ў паведамленьні галоўнага ўпраўленьня ўнутраных спраў.
Як паведамлялася раней, фотаздымак незнаёмца быў абнародаваны праваахоўнымі органамі 2 жніўня. На фота — мужчына сярэдніх гадоў, брунэт, з кароткай стрыжкай і залысінамі, у белай майцы, шэрай куртцы і цёмных штанах, каля ног якога — чорны поліэтыленавы пакет. Мужчына зьняты прыкладна на тым месцы, дзе адбыўся выбух.

БелаПАН

Subscribe
  • Post a new comment

    Error

    Anonymous comments are disabled in this journal

    default userpic

    Your reply will be screened

    Your IP address will be recorded 

  • 0 comments