Беларусі спатрэбіўся намібійскі уран?

Саўмін на днях накіраваў з шасцідзённым візітам у гэтую афрыканскую краіну намесніка Міністра замежных спраў Гайсёнка. Па добрай беларускай традыцыі заданне на камандзіроўку не агалошваецца. Аднак вядома, што Намібія з'яўляецца адным з найбуйнейшых пастаўшчыкоў на сусветны рынак медзі, алмазаў, золата, цынку, цыны (волава), волава (свінца). А ў пустыні Наміб размешчаныя найбуйнейшыя ў свеце уранавыя шахты. Але яшчэ цікавей тое, што ў Намібіі на здабычы урану працуюць кампаніі розных краін. У тым ліку маюць даччыныя кампаніі і франка-нямецкая Areva з расійскім Атомэнергопром'ам. А гэта ў сваю чаргу менавіта тыя карпарацыі, якія далі папярэднюю згоду на правядзенне перамоваў па пабудове на тэрыторыі Беларусі атамнай электрастанцыі.