mixal_by (mixal_by) wrote in by,
mixal_by
mixal_by
by

Хрысьціянскі фэст у Барысаве

Намётавы фэст хрысьціянскай музыкі ў Барысаве


16 - 21 верасьня ў Барысаве пройдзе фэст хрысьціянскай музыкі. У ім прымуць удзел прадстаўнікі каталіцкай, праваслаўнай і пратэстанцкай цэркваў.

Кожны дзень фэсту будзе складаецца з 3-х канцэртаў: для дзяцей (14.00 - 16.00), дарослых (17.00 - 19.00) і моладзі (19.30 - 21.30). Сярод удзельнікаў фэсту такія вядомыя хрысьціянскія гурты як «Спасеніе», «Антывірус», «Псалмяры», «Небасхіл», «Радаўніца» выканаўцы Алеся Ўнукоўская, Вольга і Кірыл Казарэзы, оперны спявак Генадзь Нікіцін, а таксама вядомыя беларускія барды Андрэй Мельнікаў і Алесь Камоцкі ды многія іншыя.

Вось што распавёў Аляксандр Касьцюкевіч, арганізатар фэсту ў Барысаве: "Гэта першы фэст такога кшталту ў Беларусі. Ён арганізаваны сумесна хрысьціянскімі цэрквамі г. Барысава – не адной нейкай канфэсіі, а адразу і каталікамі, і пратэстантамі, і праваслаўнымі. У фэсце прымуць удзел музычныя выканаўцы ўсіх хрысьціянскіх канфэсіяў, якія зьедуцца з усёй Беларусі".

Мэта гэтага намётавага фэсту эвангэлізацыйная: сваёй творчасьцю распавесьці людзям аб Богу на дасягальнай для кожнага мове. У праграму ўваходзяць дзіцячае сьвята, больш спакойная музыка для дарослых і больш вясёлая – для моладзі. Падчас вечаровых канцэртаў будзе прапаведавацца слова Дабравесьця, таксама людзі змогуць супольна зьвярнуць свае сэрцы да Госпада ў малітве. На кожным канцэрце для дарослых пройдзе малітва за хворых людзей. А ўсе, хто захоча бліжэй пазнаць Бога, атрымае ў падарунак хрысьціянскія брашуры аб Бібліі, аб малітве і г. д. Моладзь, натуральна, можа прыйсці крыху раней на «дарослы» канцэрт, а дарослыя - застацца і на моладзевы.

Адрас: г. Барысаў, вялікі намёт непадалёк ад рынку «Спатканьне».


Уваход вольны!


Тел. для даведак: 8-029-877-77-68 (Яўген), 8-029-687-77-49 (Аляксандр)

Subscribe
  • Post a new comment

    Error

    Anonymous comments are disabled in this journal

    default userpic

    Your reply will be screened

    Your IP address will be recorded 

  • 0 comments