Сябры, нядаўна напісала ў сваім ЖЖ, як жа я радая размаўляць са сваім каханым па-беларуску нават пра самае інтымнае. Аказалася, што на тую ж сэксуальна-беларускую тэму напісалі і некаторыя маі фрэнды ў стужцы. Адзін, напрыклад, прызнаўся, што для яго самае сэксуальнае ў дзяўчыне - беларуская мова ў вуснах. Такая дзяўчына адразу роднай становіцца і ўжо даўжыня ног ці памер станіка ніякай ролі не граюць. А дзяўчыны прызналіся, што ў некаторых з іх "ажно рукі трасуцца" ад беларускамоўных хлопцаў. Што прыгадала мне не адзіную размову з сяброўкамі пра тое, што тыя з іх, хто сам беларускамоўны але з мужам ці хлопцам стасуюцца па расейску проста мараць нарэшце стагнаць з ім на роднай мове.
Паколькі тэма цікавая і, як паказала практыка, задаюцца гэтым пытаньнем многія, скажыце мне, калі ласка, а для Вас беларуская мова, ды мова ўвогуле эратычным фактарам з'яўляецца? А і проста сымпатыю нейкую асаблівую выклікае? Напрыклад, настаўніку ва ўніверсітэце які "валіць" на іспытах, ці строгаму босу на працы, але якія размаўляюць на беларускай мове вы іх недахопы з-за беларускамоўнасьці прабачылі б?
Ну і, канешне, як мова уплывае на прыватнае жыцьцё? Падзяліцеся! Дзякуй!
PS калі ў вас былі запісы на аналагічную тэму у вашым блогу, кіньце спасылку, калі ласка!
